Нийт 35 хуудастай курсын төсөл 

Оршил
Олон төрлийн хүнсний зүйлийн дотроос сүү, цагаан идээ онцгой чухал чанартай идээ юм. Цагаан идээний найрлаганд хүний бие махбодид чухал уураг, нүүрс ус, тос, витамин, эрдэс давс байдаг нь амьдрлын бүхий л хэрэгцээг хангахаас гадна хоол тэжээл боловсруулах эрхтэний үйл ажиллагаанд сайнаар нөлөөлөн боловсорч шингэх нь хялбар байдаг. Энэ бүхий л чанараараа сүү нь юугаар ч сольшгүй чухал хүнс тэжээл юм.
Манай монголчууд эрт дээр үеэс өрх гэрийн хүрээнд таван хошуу малын сүүг хаягдалгүй технологийн зарчмаар боловсруулж олон нэр төрлийн цагаан идээг боловсруулж өдөр тутмын хоол хүнсэндээ өргөнөөр хэрэглэн ирсэн билээ. Хүн хоногт 0.5л сүү хэргэлэх ёстой гэсэн шинжлэх ухааны үндэслэлтэй баримжааг өвөл зуны аль ч улиралд алдалгүй байхын тулд сүү, цагаан идээний үйлдвэрлэлийг нэмэгдүүлэх шаардлага гарсаар байна. Манай оронд үйлдвэрийн аргаар сүү боловсруулах технологи 1941 онд цөцгийн тос үйлдвэрлэж эхэлсээр хөгжсөн түүхтэй. 1970-1978 онд Дархан Дорнодын хүнсний үйлдвэрүүдэд сүүний цех Улаанбаатар хотод хүүхдийн сүүн тэжээлийн үйлдвэр  сүү хатаах цех ашиглалтанд орсон.
Сүүлийн жилүүдэд Улаанбаатар хотод байршилтай томоохон үйлдвэрүүд техник тоног төхөөрөмжөө шинэчлэн, үйлдвэрлэлийн технологио сайжруулан, шинэ нэр төрлийн бүтээгдэхүүнүүдийг үйлдвэрлэж хүн амын хэрэгцээг хангах болсон. Гэсэн хэдий ч хөдөө орон нутаг, хот суурин газрын хүн ам өдрөөс өдөрт өсөн нэмэгдэхийн хэрээр сүү, сүүн бүтээгдэхүүний хангамж хүрэлцээ муу болж байгаагаас гадна, үйлдвэрийн аргаар ариутгаж боловсруулаагүй сүүг одоо хэр нь ил задгайгаар, гар дээрээс шууд хэрэглэж байгаа нь дэлхийн хэмжээнд бруцеллёз өвчний өвчлөлөөр тэргүүлдэг манай орны хувьд маш их анхаарал хандуулах асуудал болоод байна. Иймд үйлдвэрийн аргаар боловсруулсан сүү, сүүн бүтээгдэхүүний хангамж, хүртээмж, эрүүл ахуйн нөхцөлийг сайжруулах, ариун цэврийн шаардлагыг дээд зэргээр хангасан, чанартай, найдвартай сүү үйлдвэрлэх, нэр төрлийг нь нэмэгдүүлэх, дотоодын хэрэгцээгээ хангах, цаашлаад экспортлох нь энэ салбарын гол зорилго болоод байна. 
Мөн сүүний  хүчил шүлт хорт бодисыг саармагжуулдаг болохоор хорт нөхцөлд ажиллагсад өдөр бүр сүү уухыг эрхэмлэвэл зохино.
Техник эдийн засгийн үндэслэл
Үндэслэл. 
Монголчууд таван хошуу малдаа  түшиглэн сүү цагаан идээнийх  хэрэглээг хангаж ирсэн. Сүүлийн жилүүдэд цэвэр сүүгээр хийсэн амт чанартай бүтээгдэхүүн хэрэглэгчид  авахыг эрмэлздэг болсон. Иймээс хөвсгөл аймгийн мөрөн суманд өдөрт 3 тн сүү боловсруулах үйлдвэрийн төсөллөө. 
 Зорилго
        Сүү цагаан идээг үйлдвэрлэлийн аргаар боловсруулж, орчин үеийн тоног төхөөрөмж ашиглан эрүүл ахуйн шаардлага эрүүл чанартай тэжээллэг бүтээгдэхүүн үйлдвэрлэх